Áfram stelpur

BPW var fyrst stofnað á Íslandi í Reykjavík í Ágúst 1979. Þá hét félagið BPW klúbburinn í Reykjavík en heitir nú BPW Reykjavík. Fyrsti forseti BPW Reykjavík var Margrét Sölvadóttir. Markmið BPW Reykjavík er að félagskonur taki virkan þátt í starfi klúbbsins auk þess sem þær sæki ráðstefnur og fundi á vegum BPW Europe og alþjóðasamtakanna. Með því ávinnst traust sem félagskonur nýta til að styðja, styrkja og fræða hvor aðra. 

• BPW fundir eru haldnir mánaðarlega á starfsárinu (sept-maí). Á fundunum er farið yfir almenn fundarstörf ásamt framtakskynningu, auk þess sem fyrirlesari heldur hvetjandi, fræðandi og skemmtilegan fyrirlestur.

• Félagskonum BPW Reykjavík er frjálst að taka með sér gesti á félagsfundi. Ef viðkomandi hefur áhuga hafa á að gerast félagskona getur hún óskað  eftir inngöngu á þar til gerðu eyðublaði. Svar við inngöngubeiðni liggur fyrir u.m.b. viku eftir að umsókn berst.   

• Félagskonur BPW Reykjavík hafa setið í stjórnum bæði Evrópu – og alþjóðasamtakanna og nú árið 2024 var íslensk félagskona, Guðrún Sigríður Jakobsdóttir, kosin í stjórn alþjóðasamtakanna. 
• BPW Reykjavík heldur  upp á kvennafrídaginn og aðra merka daga er lúta að kvennabaráttu ásamt því að halda alþjóðlegan BPW kertaljósafund til að sýna samstöðu með BPW félagskonum um  heim allan. Jafnlaunadagurinn, ”Equal Pay Day”, kemur upphaflega frá BPW og hefur verið haldinn hér og í mörgum Evrópulöndum.  Þá hefur BPW Reykjavík sinnt ýmsum öðrum verkefnum innan vébanda BPW Evrópu, þ.á m. styrkt stríðshrjáðar konur í Sarajevó, byggt heimavistaskóla fyrir heimilislausar ungar stúlkur í Moldavíu, styrkt byggingu barnaskóla og sjúkrahúss í Mexico, auk þess sem ýmsir styrkir hafa verið veittir konum og börnum í Úkraínu undanfarin ár.

• Evrópuráðstefnur BPW hafa tvívegis verið haldnar í Reykjavík, sú fyrri árið 1997 og sú seinni árið 2022. Báðar tókust afar vel og var fyrri ráðstefnan fjölmennasta kvennaráðstefna sem haldin hafði verið á Íslandi á þeim tíma.

Við héldum Evrópuráðstefnu BPW hér á Íslandi árið 1997, fjölmennustu kvennaráðstefnu á þeim tíma og héldum aðra glæsilega ráðstefnu í maí 2022 sem var mjög vel heppnuð. 

Við höfum sótt ráðstefnur víðsvegar um heiminn og má þar nefna Mexico,  Stokkhólm, Róm, Sorrento, Helsinki, Zürich, Kario, Calwen Írland og fl. ásamt ráðstefnunni hér heima á Íslandi.   

Við eflum okkur með framtakskynningu á fundum og þar heyrum við  hvað hefur á daga okkar drifið og þau markmið sem við setjum okkur bæði í leik og starfi.

Á fundina fáum við góða fyrirlesara  bæði karla og konur sem eru með fræðandi og skemmtileg erindi og oft er erindið um það sem brennur mest á  í þjóðfélaginu.