Ákveðið hefur verið að Evrópuráðstefna BPW verði haldin á Íslandi árið 2022 og er undirbúningur hennar þegar hafinn. Árið 1997 hélt BPW klúbburinn á Íslandi Evrópuráðstefnuna hér á landi. Þátttakendur voru yfir 400 talsins víðs vegar að úr heiminum. Sú ráðstefna var fjölmennasta kvennaráðstefna sem haldin hafði verið á Íslandi fram að þeim tíma. Ráðstefnan styrkti samheldni íslenskra BPW- kvenna og efldi tengsl þeirra við BPW systur um allan heim. Ráðstefnan tókst í alla staði mjög vel og eru BPW- konur víðsvegar um heim enn að vitna til ráðstefnunnar á Íslandi árið 1997.